• Experience the World

    Buxoro davlat universiteti

    Elektron axborot ta`lim resurslari

Adabiyotlar 622452 ta
Videodars 982 ta
Audiokitob 2205 ta

 

Jamoatchilik va xudbinlik haqida maqollar

Аyrilganni ayiq yer,
Boʼlinganni boʼri yer.

Аyrilgan yoʼlda qolar,
Boʼlingan — doʼlda.


Baliqning kuni koʼl bilan,
Botirning kuni el bilan.

Baraka — koʼpchilikda.

Beshning boshi boʼlgancha,
Oltining oyogʼi boʼl.

Bizniki — xaltada,
Sizniki — oʼrtada.

Bilganingni eldan ayama.

Bir kalla — kalla,
Ikki kalla — tilla.

Bir kishi ming kishi uchun,
Ming kishi bir kishi uchun.

Bir tovushni koʼp tovush yoʼq qilar.

Bir koʼzlilar eliga borsang,
Bir koʼzingni qisib yur.

Bir tupursa, ne boʼlar,
El tupursa, koʼl boʼlar.

Bir oʼzing dono boʼlguncha,
Koʼp bilan ahtnoq boʼl.

Bir qargʼa bilan qish kelmas.

Birdan ikki yaxshi,
Ikkidan uch yaxshi.

Birikkan kuch — kuch,
Birikmagan kuch — puch.

Birikmagan birlashmas.

Birlashgan daryo boʼlar,
Tarqalgan irmoq boʼlar.

Birlashgan yovni qaytarar.

Birlashgan kuch yengilmas.

Birlashgan — oʼzar,
Birlashmagan — toʼzar.

Birlik bor — tiriklik bor.

Birlikda baraka bor.

Birlikli uy — barakatli,
Gʼovgʼali uy — halokatli.

Birliksiz kuch boʼlmas.

Doshqozonda pishgan osh xom boʼlmas.

Yettovdan birov — shayton.

Yolgʼiz botir yovga yoʼq,
Yolgʼiz yigit dovga yoʼq.

Yolgʼiz daraxt oʼrmon boʼlmas.

Yolgʼiz yogʼoch pana boʼlmas.
Yolgʼiz biyaga sova toʼlmas.

Yolgʼiz yogʼoch uy boʼlmas.

Yolgʼiz itning hurgani bilinmas,
Yolgʼiz kishining yurgani bilinmas.

Yolgʼiz yigit alp boʼlar,
Аlp boʼlsa ham, qalp boʼlar.

Yolgʼiz yigit yov olmas.

Yolgʼiz otning changi chiqmas,
Changi chiqsa ham dongʼi chiqmas.

Yolgʼiz tuya baqiroq boʼlar,
Yolgʼiz bola yigʼloq boʼlar.

Yolgʼiz yurib yoʼl topguncha,
Koʼp bilan yurib adash.

Yolgʼiz uyda qozon qaynamas.

Yolgʼiz qoʼyning terisi poʼstin boʼlmas.

Yolgʼiz gʼozning uni chiqmas,
Yolgʼiz qizning mungi chiqmas.

Yolgʼizga yoʼl uzoq.

Yolgʼizlik kishi yurtida bilinar.

Yolgʼizning yoyi yoʼqolsa, topilmas,
Koʼpning oʼqi yoʼqolsa, topilar.

Jiyan-togʼa el boʼlmas,
Yakka tomchi sel boʼlmas.

Ikki odam — bir odamning tangrisi.

Ikki sirtlon bir sirtlonning sirtin yirtar.

Ikki sichqon biriksa,
Yoʼlbars quyrugʼin kertar.

Ikki qoʼl qilgan ishni
Bir qoʼl qilolmas.

Ikkovga birov botolmas,
Otliqqa yayov yetolmas.

Indama koʼpga,
Yiqitadi choʼpga.

Inida yotganni el topar.

Yoʼldan chiqsang chiq, eldan chiqma.

Yoʼqotganingni koʼpdan soʼra.

Koʼkka boqma, koʼpga boq.

Koʼp biriksa, togʼ qular.

Koʼp tikilsa, togʼ qular.

Koʼp duosi koʼl boʼlur.

Koʼp yoyilsa, yoʼq topilar.

Koʼp koʼmakka yaxshi,
Oz — barakka.

Koʼp koʼpadi,
Oz choʼkadi.

Koʼpda karam bor.

Koʼpdan ayrilgan ozar,
Koʼpga qoʼshilgan oʼzar.

Koʼpdan koʼp aql chiqar.

Koʼpdan quyon qutulmas.

Koʼplashgan yov qaytarar.

Koʼpni demay kul boʼldim,
Gʼam-gʼussaga moʼl boʼldim.

Koʼpni yomonlagan koʼmilar.

Koʼpni yomonlagan koʼmuvsiz qolar.

Koʼpni yomonlaganning oʼzi yomon.

Koʼpni sevgan birni sevmas.

Koʼpning ishi yitmas,
Ozning ishi bitmas.

Koʼpning kuchi — karomat.

Koʼpning kuchi koʼlday,
Koʼchib yurgan yelday.

Koʼpning koʼlankasi — oltin.

Koʼpning rizqi — koʼl.

Koʼpning qoʼli koʼp.

Koʼpning qoʼli ham toʼgʼri,
Yoʼli ham toʼgʼri.

Koʼpning haqi yetimning haqidan yomon.

Koʼpning haqi — toʼpning oʼqi.

Koʼpchilik bir mushtdan ursa, oʼldirar,
Bir burdadan bersa, toʼydirar.

Koʼpchilik qoʼl — unumi moʼl.

Koʼpchilik koʼpirsa, qulatar,
Koʼpchilik supursa, sulatar.

Koʼpchilik qoʼlda unum koʼp.

Otangning oti oʼzguncha,
Ovulingning toyi oʼzsin.

Oshdan qolsang ham, koʼchdan qolma.

Rahbar kelar-ketar, omma qolar.

Suvning oqishiga qara,
Xalqning xohishiga qara.

Suruv oqsoqsiz boʼlmas.

Suruvdan qolgan surinib oʼlar.

Tegishmagin koʼpga,
Teng boʼlasan choʼpga.

Toʼpdan chiqsang ham, koʼpdan chiqma.

Uzoq boʼlsa ham, yoʼl yaxshi,
Yomon boʼlsa ham, el yaxshi.

Uyiga sigʼmagan eliga sigʼmas.

Ulovim yoʼq deb, koʼchdan qolma.

Ulugʼga suyangancha, elga suyan.

Xalq aytgani — haq aytgani.

Xalq aytmas,
Xalq aytsa, hech qaytmas.

Xalq aytsa, elab aytar,
Haq soʼzni bilib aytar.

Xalq bor yerda haqlik bor.

Xalq degan xoli ketmas.

Xalq ishi — haq ish.

Xalq kuchiga toʼgʼon yoʼq.

Xalq meniki dema,
Sen — xalqniki.

Xalq puflasa, boʼron boʼlar,
Xalq tepinsa — zilzila.

Xalq tinchligin buzgan omon qolmas.

Xalq — tosh, amaldor — suv.

Xalq xohlasa tuzishni,
Hojati yoʼq choʼzishni.

Xalq gʼazabi — xudo gʼazabi.

Xalq qargʼasa, xor boʼlasan,
Xalq qoʼllasa, bor boʼlasan.

Xalq qoʼzgʼalsa — daryo.

Xalq hukmi — haq hukmi.

Xalqdan ajralganning yuzi qora boʼlar,
Yurtdan ajralganning soʼzi ado boʼlar.

Xalqni xon ham yengolmas.

Xalqqa suyansang, boʼlasan,
Xalqdan chiqsang, soʼlasan.

Xalqqa xiyonat qilding,
Oʼzingga jinoyat qilding.

Egri bitganni el toʼgʼrilaydi.

El bilan boʼlgan yutar,
Eldan ajralgan yitar.

El bilan kesilgan barmoqdan qon chiqmas

El bolasi boʼlolmagan
El ogʼasi boʼlolmas.

El boqsa, baxting kular,
El boqmasa, taxting qular.

El boʼlmasa er boʼlmas.

El ishiga erinma,
Ish qildim deb kerilma.

El kuchi — sel kuchi.

El nazar qilmasa,
Eshak bozoriga ham dallol boʼlolmaysan.

El ogʼzi — elak, gap turmas.

Ei sevganga yer koʼp.

El senga etsa nadomat,
Dunyoda turolmassan salomat.

El suygani — er suygani.

El soʼzi — dil soʼzi.

El — erning sinchisi.

El oʼgʼrisiz boʼlmas,
Toʼqay — boʼrisiz.

El qadrini bilmagan,
Har baloga yoʼliqar.

El bilan boʼlgan yigit,
Har balodan qutular.

El qadrini bilmaydi,
El ichida yomonlar.

El qulogʼi — ellik.

El qoʼzgʼalsa, taxt qoʼzgʼalar.

Elga kengashgan ozimas.

Elga kirgil elingcha,
Suvga khgil belingcha.

Elga maʼqul — senga maʼqul.

Elga navbat — erga navbat.

Elga suyangan elanmas.

Elga qilma xiyonat,
Turolmassan salomat.

Eldan ayrilganni boʼri yer.

Eldan oshma, eldan qolishma.

Eling oʼgʼri boʼlsa, oʼgʼri boʼl,
Boʼri boʼlsa, boʼri boʼl.

Erdan er oʼzsa ham, eldan oʼzolmas.

Eri boʼlib, erga borgan — bet qorasi,
Eli boʼlib, elga borgan — yurt toʼrasi.

Erning ishi el bilan.

Erning kuchini el sinar.

Erning otini el chiqarar.

Erning soʼzi — elning soʼzi.

Yurt bilan kelgan aza ham — toʼy.

Yurt desa, yugurib ishla.

Yayovning changi chiqmas,
Yolgʼizning — uni.

Yakka oʼtin yolborsang, yonmas.

Yakkaning yori xudo,
Boʼlmasa eldan judo.

Yaxshi rahbar yoʼl qurar,
Yomon rahbar yoʼl buzar.

Yaxshi rahbar elni oʼylar,
Yomon rahbar hovli boʼylar.

Yaxshi rahbar yurtga rohat keltirar,
Nodon rahbar yurtga «mehmon» keltirar.

Oʼz bilganingda boʼlma,
El bilganidan qolma.

Oʼzi uchun uxlagan,
Birov uchun tush koʼrmas.

Oʼzim boʼlay dema, oʼzgalar gʼamini ye.

Oʼzim degan oʼzaksiz ketar.

Oʼzim degan oʼrdan chiqmas.

Oʼt bilan oʼynashmoq tentakning ishi,
Yurt bilan oʼynashmoq ahmoqning ishi.

Qirq uydan etak toʼlar.

Qomatiga ishongan qaddini bukib ketadi,
Koʼpchilikka ishongan maqsadiga yetadi.

Qoʼlidan ish kehnagan maʼraka buzar.

Gʼoz toʼdasi yoʼlboshchisiz uchmas.

Har ish qilsang, el bilan kengash.

Har kim oʼz qarichi bilan oʼlchar.

Hashar borsam bitar,
Ingranib kunim oʼtar.

Hashar — elga yarashar.

Hashar qildim — uy qurdim,
Unda koʼp hikmat koʼrdim.

Yangi kitoblar

Аxborot - resurs markaziga qabul qilingan yangi adabiyotlar.

  • Ishbilarmon kishilar

    Ishbilarmon kishilar

    Asli ismi Uilyam Sidney Porter (1862 - 1910) bolgan O'Genri dunyo adabiyotiga Amerikaning eng mashhur hikoyanavis adibi sifatida tanilgan. U o‘zining qisqa umri davomida sermahsul ijod qildi, uch yuzga yaqin hikoyalar yozib qoldirdi. Bu hikoyalarida O'genri Amerika hayotining rang-barang jibatlarini, inson qalbi va xarakterini turfa obrazlar timsolida turlicha bo‘yoqlarda mahorat bilan tasvirlab bera oldi. Aziz kitobxon! Mazkur kitobga kirgan O'genrining eng sara hikoyalari rus va ingliz tillaridan o’zbekchaga tarjima qilinib, hukmingizga havola etilmoqda. U sizlarga manzur bo’ladi degan umiddamiz.

    Read more

  • Gulliverning sayohatlari

    Gulliverning sayohatlari

    Jonatan Svift 1667- yil 30-noyabrda Irlandiyaning Dublin shahrida, o‘rtahol oilada dunyoga kelgan 1745-yil 19-oktabrda 77 yoshida Dublinda vafot etgan. U ingliz-irlandiya hajviy asarlar yozuvchisi, jamoatchi, faylasuf, shoir, jamoat arbobi sifatida tanilgan. Tirishqoq va mohir Jonatan Sviftning ko'pgina asarlari irlandiyaliklar tarafidan hurmat va ehtirom bilan qabul qilingan. Ayniqsa, uning ,,Gulliverning sayohatlari“ nomli mashhur fantastik asari keng ommaga tezda tarqaldi. Dunyoning ko‘pgina mamlakatlarida sevilib o‘qiladigan mazkur asar juda ko‘p marta ekranlashtirilgan. Kitob keng kitobxonlar ommasi uchun mo'ljallangan.

    Read more

  • Har kimki vafo qilsa

    Har kimki vafo qilsa

    O‘zbek xalqi ko'plab buyuk daholarga beshik tebratgan millat. O‘zbekning asl farzandi, shoh va shoir, zukko olim Zahiriddin Muhammad Bobur ana shunday daholardan biridir. U nafaqat o‘z diyorimizda, balki butun dunyoga ham ma’lum-u mashhurdir. Bobur tadbirkor podshoh, mohir sarkarda sifatida Boburiylar sulolasiga asos solgan bo‘lsa, iste’dodli shoir, adib sifatida adabiyot xazinasini o‘zining o‘lmas va sara asarlari bilan boyitdi. Bizgacha uning “Boburnoma”dan tashqari juda ko‘p g'azal, ruboiy, qit'a va fardlari yetib kelgan. Qo‘lingizdagi kitobda Bobur she’riyatining eng go‘zal namunalari jamlangan bo‘lib, unda insoniy fazilatlar, yor vasli, uning go'zalligi, unga cheksiz muhabbat, hijron azobi, ayriliq alamlari nihoyat go‘zal va mohirona ifoda etilgan.

    Read more

  • Shum bola

    Shum bola

    Asarda XX asrdagi xalqimizning turmush tarzi, ikkinchi jahon urushi ta’siri, o‘zbek xalqining azaliy urf-odatlari tasvirlangan. Aziz kitobxon, o'ylaymizki, siz ularni o‘qib, qalbingiz zavqqa to‘ladi, shu bilan birga, XX asr millat tumushidan xabardor bo‘lasiz. Asarni sabot bilan o'qing, xalqimiz tarixini, adabiyotini chuqur o’rganing, kerakli mushodalar chiqaring. Bu yo'lda sizga zafarlar tilab qolamiz.

    Read more

  • Mening o`g`rigina bolam

    Mening o`g`rigina bolam

    G‘afur G'ulom asarlarini o‘qir ekanmiz, unda oddiy xalq turmushi va ruhi bilan birga yashayotgan yozuvchi ko‘z o'ngimizda gavdalanadi. «Mening o‘g‘rigina bolam» nomi ostida jamlangan qissalar va hikoyalar o'zbekona hayot tarzi, insonlardagi mehr-oqibat kabilarning qimmatli ne’mat ekanligini anglaydi. Taqdir boshlagan ko'chalarning so‘qmoqlaridan bir-bir o‘tib, unda o‘z yaqinlarini ko'rgandek boladi. O'zbek xalqining necha asrlardan beri meros bo’lib kelayotgan urf-odatlari ichidan eng qadrlisi - mehmondo'st xalqni ko'radi. G‘afur G’ulom asarlarini sahna orqali tanigan kitobxon do'stlarimiz endi adib asarlarining asl mohiyati bilan tanishadilar.

Interaktiv xizmatlar

Buxoro davlat universitetining interaktiv xizmatlari.

O`JQQT

O`quv jarayonini qo`llab quvvatlovchi tizim

Moodle

Moodle masofaviy o`qitish tizimi

E-hujjat

Elektron hujjat aylanish tizimi