• Experience the World

    Buxoro davlat universiteti

    Elektron axborot ta`lim resurslari

Adabiyotlar 622452 ta
Videodars 982 ta
Audiokitob 2205 ta

 

Toʼgʼrilik va egrilik haqida maqollar

Аybi borning tizi qaltirar.

Аybini yashirgan boy boʼlmas.

Аytib qilgan oʼgʼirlikning aybi yoʼq.


Аlishar boʼlsang, chiningni ayt,
Qovushar boʼlsang, siringni ayt.

Аsli qora oqarmas,
Аsli buzuq tuzalmas.

Аfting qiyshiq boʼlsa oynadan oʼpkalama.

Baliq boshidan sasir.

Bemahal yurgan qoqilar.

Betga aytganning zahri yoʼq.

Bigizni kanoraga yashirib boʼlmas.

Bilakka boqma, yurakka boq.

Bilmaganni bildim dema,
Qilmaganni qildim dema.

Bir tulkining hiylasi
Necha yerda pand berar.

Bir xotinning hiylasi
Qirq eshakka yuk boʼlar.

Birovni aldama,
Yurgan koʼchangning boshi berk.

Bozordagi allop,
Qilar ishi — qallob.

Boylik, boylik tubi oʼgʼirlik.

Boʼrining ogʼzi yesa ham qon,
Yemasa ham — qon.

Gadoy tilab oladi,
Jodugar oʼzi oladi.

Gunohsiz odam podshodan qoʼrqmas.

Daladan kelgan oʼgʼrini tutish oson,
Uydagi oʼgʼrini tutish qiyin.

Dardini yashirgan darmon topmas.

Dardni berkitsang, isitmasi oshkor qilar.

Dili toʼgʼrining yoʼli toʼgʼri.

Dili qingʼirning tili qingʼir.

Yeyar ogʼizni yemas ogʼiz bogʼlar.

Yoz yomgʼiri loy boʼlmas,
Oʼgʼri aslo boy boʼlmas.

Jallob,
Turgan-bitgani qallob.

Zargar firibgar boʼlsa, oltin zanglar.

Igna oʼgʼirlagan sigir ham oʼgʼirlar.

Igna oʼgʼirlagandan sigir yoʼqotgan gumonsirar.

Ilon oʼz egriligini bilmas,
Tuyaning boʼynini egri der.

Ilon har yerda buralib yursa ham,
Oʼz iniga borganda toʼgʼrilanar.

It toʼygan kuni oʼgʼrilik qilmas.

Itimning bogʼi yoʼq,
Yemishi qora charos.

Ishsizning ishi — oʼgʼirlik.

Yoʼli buzuqning yoqasi yirtiq.

Yoʼqlikning uyati yoʼq,
Oʼgʼirlik — uyat.

Kavushimni olgan bir kishi,
Gumondorim ming kishi.

Koʼz tarozi, koʼngil — qozi.

Koʼngil toʼgʼri uchun,
Qulf oʼgʼri uchun.

Manman kamtardan yengilar,
Toʼgʼri el ichida tanilar.

Mis qozonning misi chiqar,
Berkitganning isi chiqar.

Mullaning yomoni — varaqchi,
Odamning yomoni — qaroqchi.

Mugʼombir tumshugʼidan ilinar.

Nayrang bilan ish koʼrgan
Koʼp qiynalib jon berar.

Nohaq ishga rivoj yoʼq.

Ochkoʼz boyimas, oʼgʼri toʼymas.

Rostga zavol yoʼq.

Savdogar,
Ishi doim hiylagar.

Sayoq ketdi, sayoq ketdi,
Sayoq ketidan tayoq ketdi.

Tavba qilganni el kechirar.

Tavbachining oshini yeguncha,
Qasam ichgan yaxshi.

Tayoq ur-da, goʼrga kir,
Tayoq ye-da, doʼngga chiq.

Teva oʼgʼirlagan teva boʼyi chuqur qazir.

Tilingni toʼgʼri tutolmasang,
Dilingni toʼgʼri tut.

Togʼ eshitganini deydi.

Tulki tulkilik qilar,
Boʼri boʼrilik qilar.

Tulki tulkiligini qilguncha,
Terisi qoʼldan qoʼlga oʼtar.

Tulki tovga,
Quyrugʼi soyga.

Tulki-qarsoq ini bir,
Gʼar-oʼgʼrining till bir.

Tullakni tuzoqqa tushirish oson emas.

Tuxum oʼgʼrisi tuya oʼgʼrisi ham boʼla oladi.

Tushi oʼngning ishi oʼng.

Tuyada toʼgʼri joy boʼlmas.

Toʼni yomonni it qopar,
Koʼngli yomonni haq topar.

Toʼgʼri bola oʼstirsang,
Xalq ichida sher boʼlar.

Egri bola oʼstirsang,
Ikki koʼzi koʼr boʼlar.

Toʼgʼri boshni egri qilich kesmas.

Toʼgʼri devor uzoqqa chidar.

Toʼgʼri yoʼl — el yoʼldoshi.

Toʼgʼri oshini yer,
Egri boshini.

Toʼgʼri yurgan kiyikning
Koʼzidan boshqa aybi yoʼq.

Toʼgʼri yurdim — yetdim murodga,
Egri yurdim — qoldim uyatga.

Toʼgʼri oʼsgan gul boʼlar,
Egri oʼsgan kul boʼlar.

Toʼgʼri oʼzar, egri ozar.

Toʼgʼriga balo yoʼq,
Yomonda hayo yoʼq.

Toʼgʼrilik toʼiga tortar,
Oʼgʼrilik — goʼiga.

Toʼgʼrilikka oʼlim yoʼq.

Firibgaiga shaytonning havasi kelar.

Xoʼroz qichqirmasa ham tong otaveradi.

Egilgan boshni qilich kesmas.

Egilgan daraxtga suyanma,
Seni ham egar.

Egri bitgan daraxt toʼgʼri oʼsmas.

Egri boʼlsang, sinar qanoting,
Toʼgʼri boʼlsang, chiqadi oting.

Egri ish ellik yildan keyin ham bilinar.

Egri yoʼldan yursang ham, toʼgʼri yur.

Egri kaltakdan toʼgʼri soya tushmas.

Egri moʼridan egri tutun chiqar.

Egri tayoq koʼtarganni egri tayoq bilan ur.

Egri tayoqning butogʼi burunni yirtar.

Egri yuk manzilga yetkazmas.

Egri oʼsgan terak,
Nimaga ham kerak.

Egri qoziqqa — egri toʼqmoq.

Egri qoʼl ishga yetmas,
Ishga yetsa ham, ishi bitmas.

Egrining soyasi ham egri.

Er yuragi pok boʼlsa,
Yov hiylasi xok boʼlar.

Erning atogʼi elga sigʼsa ham,
Chatogʼi sigʼmas.

Yuzim oq boʼlsin desang,
Ishingni toʼgʼri qil.

Yuzning qoraligi uyat emas,
Yuzi qoralik uyat.

Yulduz aslo oy boʼlmas,
Oʼgʼrikdan boy boʼlmas.

Yurishi yomon yigitni yov olar.

Yurtda oʼgʼri topilmasa,
Zargarni dorga os.

Oʼzi toʼgʼrining — soʼzi toʼgʼri.

Oʼzi qilgan oʼkinmas.

Oʼzi qingʼirning — soʼzi qingʼir.

Oʼrgangan oʼgʼri oʼrmonda qolar.

Oʼgʼrik ayb, gʼarlik ayb,
Kambagʼallikning nesi ayb.

Oʼgʼrilik koʼzdan boshlanar,
Toʼgʼrilik — soʼzdan.

Oʼgʼirlik mol boy qilmas.

Oʼgʼirlik morning tagi qilday,
Toʼgʼrilik molning boshi togʼday.

Oʼgʼirlik osh badanga yuqmas.

Oʼgʼirlik solsang qoʼyningga,
Sirtmoq tushar boʼyningga.

Oʼgʼri berkitib olar,
Qaroqchi — qoʼrqitib.

Oʼgʼri boylik topsa, baxtidan koʼrar,
Toʼgʼri boylik topsa, mehnatdan koʼrar.

Oʼgʼri zoʼr boʼlsa,
Daʼvogar javobgar boʼlar.

Oʼgʼri zoʼr kelsa,
Mol egasini yengar.

Oʼgʼri kirar joyini emas,
Qochar joyini koʼzlar.

Oʼgʼri mushuk kunda uxlab, tunda kezar.

Oʼgʼri tom teshar,
Qaroqchi yoʼl toʼsar.

Oʼgʼri — tun oshguncha,
Boʼri — doʼng oshguncha.

Oʼgʼri yurt ololmas.

Oʼgʼri oʼgʼirlab yoʼlga tushar,
Oxiri borib qoʼlga tushar.

Oʼgʼri oʼgʼriga — xolavachcha.

Oʼgʼri qoʼli kesilmaguncha
Oʼgʼriligini qoʼymas.

Oʼgʼri ham noliydi, oʼgʼirlatgan ham.

Oʼgʼriga mol qahatmi.

Oʼgʼriga oʼgʼrilikdan mol kirmasa,
Oʼz boʼrkini oʼgʼirlar.

Oʼgʼridan qolgani — qaroqchiniki.

Oʼgʼrini uyga kirgizma,
Oyogʼini yerga tegizma.

Oʼgʼrini oʼgʼri desang, oʼlgisi kelar,
Toʼgʼrini oʼgʼri desang, kulgisi kelar.

Oʼgʼrini qaroqchi urar.

Oʼgʼrining yelkasi — qiyshiq.

Oʼgʼrining keti — quvish.

Oʼgʼrining koʼzi — oʼljada.

Oʼgʼrining koʼzi — oʼmochda.

Oʼgʼrining koʼngli — gumonda.

Oʼgʼrining uyi boʼlmas,
Uyida siri boʼlmas.

Oʼgʼrining oʼzi — bitta, koʼzi — yuzta.

Qamish ichida ilon toʼgʼri.

Qingʼir ish qirq yildan keyin ham bilinar.

Qingʼir ish — qirgʼin ish.

Qingʼir odam — bir tomon,
Qirq odam — bir tomon.

Qingʼir qilich qinga toʼgʼri.

Qingʼirlik — tiriklik goʼri,
Egrilik — umrning shoʼri.

Qirq kishi ham bir,
Qingʼir kishi ham.

Qora itning uyati oq itga tegar.

Qora koʼngil — yara koʼngil.

Quloqdan koʼz haq.

Qulf oʼgʼri uchun,
Mehr toʼgʼri uchun.

Qoʼli qingʼirning — dili qingʼir.

Qoʼton boʼrisiz boʼlmas,
El — oʼgʼrisiz.

Gʼiybatchining dih kir,
Gʼar-oʼgʼrining tili bir.

Haqiqat oltindan qimmat.

Haqni aytgan xor boʼlmas.

Haqni nohaq etma,
Nohaqni haq etma.

Hoʼkiz oʼlsa ham, koʼzining olaligi qolmas.

Yangi kitoblar

Аxborot - resurs markaziga qabul qilingan yangi adabiyotlar.

  • Ishbilarmon kishilar

    Ishbilarmon kishilar

    Asli ismi Uilyam Sidney Porter (1862 - 1910) bolgan O'Genri dunyo adabiyotiga Amerikaning eng mashhur hikoyanavis adibi sifatida tanilgan. U o‘zining qisqa umri davomida sermahsul ijod qildi, uch yuzga yaqin hikoyalar yozib qoldirdi. Bu hikoyalarida O'genri Amerika hayotining rang-barang jibatlarini, inson qalbi va xarakterini turfa obrazlar timsolida turlicha bo‘yoqlarda mahorat bilan tasvirlab bera oldi. Aziz kitobxon! Mazkur kitobga kirgan O'genrining eng sara hikoyalari rus va ingliz tillaridan o’zbekchaga tarjima qilinib, hukmingizga havola etilmoqda. U sizlarga manzur bo’ladi degan umiddamiz.

    Read more

  • Gulliverning sayohatlari

    Gulliverning sayohatlari

    Jonatan Svift 1667- yil 30-noyabrda Irlandiyaning Dublin shahrida, o‘rtahol oilada dunyoga kelgan 1745-yil 19-oktabrda 77 yoshida Dublinda vafot etgan. U ingliz-irlandiya hajviy asarlar yozuvchisi, jamoatchi, faylasuf, shoir, jamoat arbobi sifatida tanilgan. Tirishqoq va mohir Jonatan Sviftning ko'pgina asarlari irlandiyaliklar tarafidan hurmat va ehtirom bilan qabul qilingan. Ayniqsa, uning ,,Gulliverning sayohatlari“ nomli mashhur fantastik asari keng ommaga tezda tarqaldi. Dunyoning ko‘pgina mamlakatlarida sevilib o‘qiladigan mazkur asar juda ko‘p marta ekranlashtirilgan. Kitob keng kitobxonlar ommasi uchun mo'ljallangan.

    Read more

  • Har kimki vafo qilsa

    Har kimki vafo qilsa

    O‘zbek xalqi ko'plab buyuk daholarga beshik tebratgan millat. O‘zbekning asl farzandi, shoh va shoir, zukko olim Zahiriddin Muhammad Bobur ana shunday daholardan biridir. U nafaqat o‘z diyorimizda, balki butun dunyoga ham ma’lum-u mashhurdir. Bobur tadbirkor podshoh, mohir sarkarda sifatida Boburiylar sulolasiga asos solgan bo‘lsa, iste’dodli shoir, adib sifatida adabiyot xazinasini o‘zining o‘lmas va sara asarlari bilan boyitdi. Bizgacha uning “Boburnoma”dan tashqari juda ko‘p g'azal, ruboiy, qit'a va fardlari yetib kelgan. Qo‘lingizdagi kitobda Bobur she’riyatining eng go‘zal namunalari jamlangan bo‘lib, unda insoniy fazilatlar, yor vasli, uning go'zalligi, unga cheksiz muhabbat, hijron azobi, ayriliq alamlari nihoyat go‘zal va mohirona ifoda etilgan.

    Read more

  • Shum bola

    Shum bola

    Asarda XX asrdagi xalqimizning turmush tarzi, ikkinchi jahon urushi ta’siri, o‘zbek xalqining azaliy urf-odatlari tasvirlangan. Aziz kitobxon, o'ylaymizki, siz ularni o‘qib, qalbingiz zavqqa to‘ladi, shu bilan birga, XX asr millat tumushidan xabardor bo‘lasiz. Asarni sabot bilan o'qing, xalqimiz tarixini, adabiyotini chuqur o’rganing, kerakli mushodalar chiqaring. Bu yo'lda sizga zafarlar tilab qolamiz.

    Read more

  • Mening o`g`rigina bolam

    Mening o`g`rigina bolam

    G‘afur G'ulom asarlarini o‘qir ekanmiz, unda oddiy xalq turmushi va ruhi bilan birga yashayotgan yozuvchi ko‘z o'ngimizda gavdalanadi. «Mening o‘g‘rigina bolam» nomi ostida jamlangan qissalar va hikoyalar o'zbekona hayot tarzi, insonlardagi mehr-oqibat kabilarning qimmatli ne’mat ekanligini anglaydi. Taqdir boshlagan ko'chalarning so‘qmoqlaridan bir-bir o‘tib, unda o‘z yaqinlarini ko'rgandek boladi. O'zbek xalqining necha asrlardan beri meros bo’lib kelayotgan urf-odatlari ichidan eng qadrlisi - mehmondo'st xalqni ko'radi. G‘afur G’ulom asarlarini sahna orqali tanigan kitobxon do'stlarimiz endi adib asarlarining asl mohiyati bilan tanishadilar.

Interaktiv xizmatlar

Buxoro davlat universitetining interaktiv xizmatlari.

O`JQQT

O`quv jarayonini qo`llab quvvatlovchi tizim

Moodle

Moodle masofaviy o`qitish tizimi

E-hujjat

Elektron hujjat aylanish tizimi