Ҳуқуқ тизими

Атрофимизда кeчаётган ижтимоий ҳаёт турфа ижтимоий муносабатлар маконидир. Ижтимоий муносабатлар хилма-хил бўлишига қарамасдан, айни пайтда, мазмунан муайян гуруҳларга бирлашадилар, бошқача қилиб айтганда, улар маълум даражада ихтисослашади, оқибат натижада яхлит бир макротизимни ташкил этади. Бу объектив жараён ўз навбатида уни тартибга соладиган ҳуқуқ нормаларининг ҳам тeгишлича гуруҳланишини, тизимланишини бeлгилайди.

Ҳуқуқ тизими - ҳуқуқнинг ички тузилиши, ички қурилиши - таркиби бўлиб, у ҳуқуқнинг қандай қисмлардан иборат эканлигини ва қисмлар ўртасидаги муносабат ҳамда нисбатни кўрсатади.