Ёру?ликнинг экологик мо?ияти

Mavzuning dolzarbligi. Ma’lumki, yer yuzida uchraydigan turli organizmlarning hammasi o’z-o’zidan yashamaydi, ularning ko’payishi, rivojlanishi va tarqalishi atrof-muhit omillari ta’sirida boradi. Tirik organizmlarni o’rab turgan, ularga turli xil yo’llar bilan ta’sir qiladigan jonli va jonsiz tabiat kuchlari, komponentlari oddiy bir tabiiy manzara emas, balki bir-biri bilan bog’langan tabiiy ekologik omillar bo’lib, ularga organizmlar moslashadi. Bu tabiiy holat inson ta’sirida tez buzilib, tirik jonzotlar vakillarining yashashining va moslashishining o’zgarishiga olib keladi. Turli joylarda sodir bo’layotgan ekologik inqirozlar – tabiat va muhit omillarining o’zgarishi tirik organizmlarning hayoti uchun xavflidir.Inson faoliyatidan kelib chiqqan tabiatdagi “inqiroz” tufayli yuzlab o’simlik va hayvon turlari yo’qolib ketmoqda, suv havzalari ifloslanib, inson ichimlik suvisiz qolmoqda, atmosferaga chiqarilayotgan zaharli gazlar havoni, tuproqni zaharli kimyoviy moddalar bilan zaharlab, inson va tabiatdagi tirik jonzotlarning normal yashashining asosi – sog’lom tabiat qonunlarini buzmoqda. Tabiatda mavjud omillarning yuqorida keltirilgan sabablar tufayli tirik organizmlarga ta’sir etish ko’lami o’zgarmoqda.