Ozbekiston respublikasida oilaviy munosabatlar huquqiy muhofazasining oziga xos xususiyatlari

Mavzuning dolzarbligi: Mamlakatimizda azal-azaldan bolalarning ruhiy, aqliy va jismoniy tarbiyasiga ahamiyat berilib ularni, komilinson qilib tarbiyalashga alohida e’tibor qaratib kelingan. Mustaqillik yillarida ham yosh oilalarni qo‘llab-quvvatlash, onalik va bolalikni muhofaza qilish, sog‘lom avlodni kamol toptirish maqsadida barcha zarur sharoitlar yaratilmoqda. Bunda o‘sib kelayotgan avlod haqida g‘amxo‘rlik qilish va ular uchun farovon hayotni barpo etishga yo‘naltirilgan ijtimoiy dasturlar ustuvorligiga katta ahamiyat berilmoqda. Albatta, millatimiz kelajagi bo‘lgan farzandlarimizning ruhiy dunyosi, ularning ma’naviy-ahloqiy jihatdan yetuk, jismonan sog‘lom va barkamol inson bo‘lishi uchun muntazam qayg‘urishimiz lozim. Bunday muhim vazifalar, avvalo, jamiyatimizning boshlang‘ich bo‘g‘ini hisoblangan oilada amalga oshirilishi unga bo‘lgan e’tiborni yanada kuchaytirishni, oila bilan bog‘liq ijtimoiy munosabatlarni muntazam tadqiq etishni taqozo etadi.