AYOLLAR QIZIQChILIGI (TEATRI) - o`zbek xotin-qizlari orasida tarqalgan xalq og`zaki san`atining bir turi. 18- 19-a.larda xotin-qizlar orasida keng tarqalgan.

AYOLLAR (AN`ANAVIY) ANSAMBLLARI - xotin-qizlardan tashkil topgan ashula-raqs yoki ashula-cholg`u ansambllar; qadimdan o`zbek milliy musiqa ijrochiligi rivoji jarayonida yuzaga kelgan. Odatda 3-4 ayol xonanda, sozanda va raqqosalarni birlashtiradi.

ADAJIO (ital. Adagio - og`ir, tinch) - asarni og`ir, vazmin sur`atda ijro etish belgisi. Baletda asosiy qahramonlar xarakterini ochib beruvchi, odatda vazmin, salobatli raqs. Salmoqli ijro etiladigan cholg`u asar, pesa.

ADABIY-MADANIY MEROS - o`tmish moddiy-madaniy boyliklari. Ajdodlardan avlodlarga qolgan xalq og`zaki ijodi, yozma adabiyoti, san`ati, me`morlik va h.k. namunalari. Ad.-m.m. uni yaratgan xalq tarixi b-n izchil va mustahkam bog`langan bo`ladi; shu xalqning qad. davrlardan boshlab hozirgacha yaratgan va saqlanib kelgan adabiy-ma`naviy yodnomalari, moddiy-madaniy obidalarini o`z ichiga oladi.

ADABIY O`G`RILIK, plagiat - birovning asarini ko`chirib, o`ziniki qilib olish. Bunday o`g`rilik muallif ijozatisiz ilmiy, adabiy, musiqiy yoki badiiy asarni o`z nomidan to`la yoki qisman bostirib chiqarishdan, kashfiyot yoki ixtirochilik takliflarini o`ziniki qilib olishdan iborat.

ADABIY EMAKDOSh - teatr sahnasida dramatik asar qo`yishda rejissyorlarga, asar matnining tahlil va tahrir qilishda teatr jamoasiga yordam beruvchi adabiy xodim.

ADABIY TIL - muayyan umumxalq tilining qayta ishlangan va me`yorlashtirilgan, mazkur tilda so`zlashuvchi xalqning madaniy ehtiyojlariga xizmat qiluvchi shakli. A.t. o`z mezonlarini egallagan shu tilda so`zlashuvchilarning barchasi uchun birdek. U ham yozma, ham og`zaki shakllarda amalda qo`llanadi.

ADABIY MUHIT - ijodiy muhit. Muayyan joyda yashab ijod etgan yirik shoir va adiblar ta`sirida yuzaga keladi. Uning vujudga kelishi albatta yirik ijodkorlar faoliyati, ular yaratgan ijodiy maktablar b-n bog`liqdir.