Adabiyotlar 622452 ta
Videodars 982 ta
Audiokitob 2205 ta

 

ҲОКИМЛИК

Rate this item
(0 votes)

ҲОКИМЛИК 1. Ҳоким иши, вазифаси; шу вазифага мансуб, тегишли. Ҳокимлик либоси. -  Юсуфбек ҳожи: -Менинг биринчи холис тшагим, албатта, мазлум халқ тилидан бўладир; бундан сўнг Тошкент ҳокимлигига ҳар қандай бўлмағур одам қўйилмасин! А. Қодирий, Ўтган кунлар. Темурбек, мулозимлари қуршовида бориб, ҳокимлик тахтига ўтирди. М. Маҳмудов, Мангу куй излаб.

2. Ҳоким, ҳукмрон ҳолати; ҳукмронлик (тўғри ва кўчма маънода). Замон ишчи, деҳқон замони бўлиб, чиновникларнинг ҳокимлиги, ерлик халқнинг маҳкумлиги битган. Газетадан. Рашкли алам ўйи ҳокимликни ўз қўлига олди. М. Каримов, Сени дейман, жоним.

3. Ўзбекистон Республикасида: вилоят, шаҳар, туман бошқарув органлари ва улар ўрнашган жой. Шаҳар ҳокимлигидан вакиллар келди.

Ҳокимлик қилмоқ 1) ҳоким лавозимида ишламоқ, ҳоким вазифасини бажармоқ. Хуллас, ҳар қайсиси ўзи ҳокимлик қилаётган ўлкада фан ва санъат, ободончилик ишларига эътибор берардилар. Мирмуҳсин, Меъмор; 2) ҳоким, ҳукмрон ҳолатида бўлмоқ (қ. ҳокимлик 2). Уйдан чиққанидан бери танига ҳокимлик қилиб келаётган карахтлик шу оннинг ўзидаёқ ғойиб бўлди-қолди. С. Аҳмад, Уфқ.

4. тлш. Ўзаро алоқа (боғланиш)да бирор қисмнингҳоким вазияти; зид. тобелик. Мас., кенг кўча, бешинчи хона бирикмаларидаги кўча, хона сўзларининг вазияти.

Read 125 times
More in this category: « ҲОКИМ ҲОЛВА »