Kimyo atamalari (301)
Nurlanishning ekvivalent dozasi birligi. Shvetsiyalik radiofizik Rolf Maksimillian Zivert (1896-1966) sharafiga nomlangan.
Italyan olimi Alessandro Volta (1745-1825) sharafiga nomlangan ushbu birlik elektr toki kuchlanishi birligi ekanini hamma yaxshi biladi.
Magnit oqimi birligi, nemis fizigi Vilgelm Veber (1804-1891) sharafiga nomlangan.
Quvvat birligi bo‘lmish vatt ingliz olimi, bug‘ mashinasini ixtiro qilgan muhandis Jeyms Uatt (1736-1819) sharafiga nomlangan. 1 vatt bu - 1 soniya mobaynida 1 joul ish bajaradigan quvvatga tengdir. Shu tarzda, vatt - SI dagi hosilaviy birlik bo‘lib, boshqa birliklar bilan quyidagicha bog‘liqlikka ega.
Serbiyalik olim Nikola Tesla (1856-1943) sharafiga nomlangan bu birlik magnit induksiyasi birligidir.
Elektr o‘tkazuvchanlik birligi. Nemis olimi va ixtirochisi Ernst Verner fon Simens (1816-1892) sharafiga nomlangan.
Shvetsiyalik fizik Anders Selsiy (1701-1744) nomiga atalgan ushbu birlik harorat shkalasi uchun ekanligini ko‘pchilik yaxshi biladi. Selsiy muzning erishi haroratini 100 daraja va suvning qaynashi haroratini 0 daraja deb belgilab, ushbu oraliqni 100 darajalik shkalaga bo‘lib chiqqan. Bu noqulay va bugungi kun uchun teskari shkalani Selsiyning vafotidan ancha keyin boshqa bir fizik Mortin Stryomer (1707-1770) tomonidan hozirgi ko‘rinishga keltirilgan. Aytgancha, Selsiy sharafiga 1895-yilda ochilgan minerallardan biri BaAl2Si2O8 – selzian ham nomlangan edi.
Kelib chiqishi Yangi Zelandiyalik bo‘lgan Ernest Rezerford (1871-1937) yadro fizikasi sohasidagi eng birinchi va peshqadam olimlardan bo‘lgan. Radionuklid faolligi birligi sifatida uning familiyasi olingan.